சமீபத்தில் கிறிஸ்தவர்களுடன் ஒரு விவாதத்தை நடத்தி முடித்துள்ளார் அண்ணன். விவாதம் என்பது ஒரு முடிவை எட்டுவதற்காக நடத்தப்படுவதை நாமும் வரவேற்கிறோம். ஆனால் அண்ணனின் விவாதங்கள் அவரது இருப்பைக் காட்டுவதற்காகவும், வார்த்தைகளால் வளைத்து தான் வெற்றி பெற்றதாக காட்டுவதாகவும் தான் இருக்கும் என்பதை அவரது தம்பிகள் நீங்கலாக அனைவரும் அறிவர். 

அந்த அடிப்படையில் தனக்கு நேரம் போகாத போது வழக்கமாக விவாத விளையாட்டுக்கு பயன்படுத்தும் ஜமாலியை விட்டுவிட்டு, தமிழக மக்களுக்கு யார் என்றே அறிமுகமில்லாத ஜெர்ரி தாமஸ் என்பவரோடு விவாத வியையாட்டை நடத்தி முடித்துள்ளார். அந்த விவாதத்தில் பைபிள் இறைவேதம் அல்ல என்று நிரூபிக்க ஆயரம் சான்றுகள் இருந்தும் அதையெல்லாம் புறந்தள்ளி தனது வழக்கமான ஆபாச மசாலாவை அரைத்திருக்கிறார். அதன் மூலம் தனது தம்பிகளை உச்சகட்ட கிளுகிளுப்பில் ஆழ்த்தியிருக்கிறார்.  இந்த விவாதத்தின் 'ஹைலைட்' என்று அண்ணன் வர்ணிக்கும் விஷயத்தை இப்போது பார்ப்போம்.

கிறித்தவ பாதிரிமார்களுக்கு அவர்களுடைய உண்மை விசுவாசத்தைச் சோதிப்பதற்காக பைபிளில் இருந்து பீஜே அவர்கள் வைத்த விஷப்பரீட்சைதான் கிறித்தவ விவாதத்தில் மிக மிக பரபரப்பாக்கிய மற்றும் ஹைலைட் ஆன விஷயம்

மேற்கண்டவாறு கர்த்தர் சொல்லியுள்ளாரே! நீங்கள் உண்மையான விசுவாசிகளாக இருந்தால் இதோ விஷபாட்டில் இங்கே உள்ளது.

இந்த விஷத்தை இப்போதே நீங்கள் குடித்து, பைபிள் இறைவனுடைய வேதம் என நிரூபியுங்கள் என்று சொல்லி அவர்கள் கையில் விஷத்தை கொடுக்க, ஆடிப்போன எதிர்தரப்பினர் இப்படியெல்லாம் கர்த்தரை பரீட்சை பார்க்கக் கூடாது என்று சொல்லி அசடு வழிந்தனர்.

பைபிளில் மேற்கண்டவாறு உள்ளதே! இது சாத்த்தியமா? என்று கேட்கலாம். அவர்களின் அறியாமையை விளக்கி கூறலாம். ஆனால் அதை செயல்படுத்திக் காட்டுங்கள் என்று விஷத்தையே தருவது தவறான அனுகுமுறாகும். அண்ணனின் இந்த அணுகுமுறையால் ஒரு ஆதாரப்பூர்வமான ஹதீஸை பொய்யாக்கியுள்ளார். அஜ்வா பேரீத்தம்பழம் குறித்த ஹதீஸ்,பேரீச்சம்பழத்தையும், விஷபாட்டிலையும் நமக்குக் கொடுக்க, இப்படி, “யார் அஜ்வா பேரீச்சம்பழத்தைச் சாப்பிடுகின்றாரோ அவருக்கு விஷமோ சூனியமோ ஒன்றும் செய்யாது” என்று வரக்கூடிய செய்தி பொய்யான செய்தி.  என்று கூறியுள்ளார். இந்த ஹதீஸ் பொய்யானது என்பதற்கான சான்றை அண்ணன் வைக்க வேண்டும்.